مدونة يوم ٢٠ من تحدي ال٢٩يوم
هلاووووووووو♥️
ماتوقعت استمر لهذا اليوم ابداً
كلش متونسه لان تعودت ع المشي والرياضه واعتقد ماصار لازم نسمي تحدي انما صار عاده اندرجت ضمن الروتين اليومي ♥️
ولو انا حيل متندمه لان ماشاركت بالتحدي علمود اطور احد هواياتي انما شاركت في سبيل اضيف لمسة الرياضه ليومي واتعود عليها
جداً فرحانه لان التقدم الجاي احققه ماجنت متوقعه احققه سابقاً صرت امشي ٣و٤كيلوومرات٥ كيلو بس للاسف الشديد ماصرت اخذ سكرين للتطبيق من اكمل مشي لان ملتهيه ومشغوله٢٤ساعه
بس اليوم اخذت سكرين لنص التحدي لان بعدني ماماشيه بس ١،٨كيلو وان شاء الله اكمل واوصل لل٥كيلو اليوم
اتمنى بال١٠ ايام الجايه اضيف فد فقره جديده لروتيني ( الالتزام بالتغذيه الصحيه) لان هذا الشي راح يساعدني افقد وزن بسرعه واحافظ ع صحتي اكثر
مُمتنه لاهلي الساعدوني بكلشي
ومُمتنه لايات الجانت تمشي وياي ونطگ المعهد فرتين تلاثه حتى نخلص الخطوات واحنه متونسين 😅♥️
واكيد ماننسى مرتضى الائشطه وفاطمه الزهيري المارشميلو جانو دافع وحافز الي ولكل المشتركين ♥️
التحدي ماضافلنه مجرد فقره للروتين او طور فد خصله من مواهبنه انما ضافلنه ناس طيبه وواعيه لحياتنه
اتمنى مايخلص التحدي لان حيل تعودت ع المشتركين وع الجو والتحفيز النخلقه لبعضنه♥️
تعليقات
إرسال تعليق