تحدي ٢٩ يوم _اليوم العاشر من التحدي 🤞🏻

🤞🏻سلااااااااااام 

جاي تتخيلون وصلنه لليوم ال١٠ بالتحدي الطيف الضريف هذا ( ابد ماجنت متخيله انو راح اوصل لهليوم بدون ملل وبدون تماهل وكسل مني ) لان كلعاده بكل مره ادخل بتحدي او انوي انو ابدي بالرياضه انطلق انطلاقه جباره بعديها اسخت واخرب عليه الشغل كله (هوه صح ماحققت تقدم كبير ) بس يعني جان التزام ٪؜١٠٠)

انا بديت التحدي وهدفي انو امشي ٢كيلو باليوم جنت مفكره ال٢ كيلو هوايه وهيج يعني وكذلك جنت ناويه ادخل نظام الكيتو دايت (بس استبدلته بخطه ثانيه)

تشوفونها بال٢٠يوم الجايه😉🤞🏻

هساا نبدي نحجي عن التقدم الحققته صرت امشي اكثر من٢كيلو باليوم واساساً انا ماحاسه بالتعب ابداً بالعكس مستمتعه لانولحسن الحظ صادفت امتحاناتي وي هذا التحدي يعني يومياً لازم اروح للمعهد امتحن وبهلاثناء افرفر بالمعهد اراجع الماده وامشي وحتى مرات اتجاوز ال٤ كيلو بدون ماحس ع نفسي وهم اخذ صور للمعهد اللطيف واستمتع بالطبيعه اللطيفه♥️

وهاي صوره خذيتها بالمعهد اثناء المشي(تحقيق الهدف)ف

................♥️جداً بسيطه بس حيل حبيتها ومفتخره بنفسي لان جاي اطور نفسي بالتصوير كذلك 

 وراح اراويكم صوره لانجاز عنوني بهاي ال١٠ ايام 

هساا اسولفلكم ع مشاعري من افتح الفون واشوف بتطبيق خطواتي انو مكمله ال٢ كيلو ومتجاوزه هلمعدل احس هيج مسويه فد انجاز عظيم حيل افرح وافتخر بنفسي انو التزمت بهذا الشي وماكسرت بكلامي وان شاء الله استمر ع هلمنوال ومااتماهل او اتكاسل ابداً

وهساااا وصلنه لنهاية الكلام 

التقدم الجاي اسوي عاجبني بس ان شاء الله ع ال١٠ ايام الجايه راح اضيف تمارين لرياضة المشي وممكن ازيد المشي لل٥ كيلو حتى اطور من تقدمي مابقى متقيده بال٢كيلو لان احس جسمي تعود ع المشي اكثر

وكذلك راح ابدي اكتب واطور نفسي بالكتابه بس هاي ع المدى البعيد ماراح اربطها بال٢٩ فقط لان يحتاجلها وقت وخلگ

بوساتي الكم جميعاً 😅

وان شاء الله تكون مدونتي فادتكم بشي حتى وان كان بسيط